Faculty Lecture

KULTURA NG KAPAYAPAAN: LANGIT SA LUPA NG ISANG BAYANG MALAYA

Lakandupil C. Garcia, EdD

***Talumpating binigkas sa pangkalahatang pulong ng mga fakulti at empleyado ng Elizabeth Seton School , 21 ng Disyembre, 2001, sa Dasmariñas, Cavite

Sipiin po natin ang isang magandang salin sa Filipino ni Dr. Rufino Alejandro ng Panalangin ni San Francisco de Asis:

Panginoon, itulot Mong alang-alang sa Iyo
ay mapalaganap ko ang Iyong Kapayapaan:
mapagkasundo ko ang mga may alitan;
maturuang magpatawad ang nilalapastangan;
mapatatag ang pananalig ng nag-aalinlangan;
muling mapasigla ang nanghihinang kalooban;
mabigyan ng liwanag ang isip na nadirimlan.

O Poong Bathala,
itulot Mong naisin ko pang
umaliw sa halip ng aliwin;
umunawa sa halip ng unawain;
magmahal sa halip ng mahalin;
sapagkat kung di magbibigay, wala kaming tatanggapin;
kung di magpapatawad, hindi kami patatawarin;
kung di mamatay muna, ang buhay na walang
hanggan ay hindi namin kakamtin.

[more]