Faculty Lecture

WIKANG FILIPINO: MAHALAGANG SALIK SA PAGPAPAHAYAG NG KARAPATANG PANTAO

Lakandupil C. Garcia, EdD
Pamantasang De La Salle-Dasmariñas

(Isang lektyur na binasa sa harap ng mga tagapangasiwa, guro at mag-aaral ng St. Michael’s College, Laguna kaugnay ng pagdiriwang ng Buwan ng Wikang Pambansa, Agosto 20, 2001)

Isang matagumpay na pagdiriwang ng ika-20 araw ng Buwan ng Wikang Filipino!

Inaasahan ninuman mula sa isang propesor ng wika na sabihin niyang napapanahon ang paksa ng ating pagdiriwang ngayon. Sino nga naman ang mag-aalinlangan sa kalawakan ng gamit ng wikang Filipino lalo pa’t ang pinag-uusapan ay karapatang pantao? Gayunman, hindi naman siguro natural para sa inyong lingkod, na isang Pilipino at nagtuturo ng Filipino na sabihing bagamat napapanahon, tila hindi nalalaman ng mga kababayan ko na ang ganitong usapin ay paulit-ulit nang naganap sa kasaysayan, ngunit sa di malamang kadahilanan ay patuloy na hindi inaalintana.

Hayaan ninyong talakayin ko ang paksang ito sa liwanag ng pag-aaral ng panitikan. Kung naniniwala ang lahat na ang panitikan ang pinakmabubuting katha ng tao sa isang tiyak na panahon, ito samakatuwid ang mabisang patunay ng aking paniniwala. Sa pagpasok ng bagong milenyo, mukhang hanggang ngayon, patuloy pa ring hinahanap ng mga Pilipino ang kanilang kakanyahan.
more>>>