Faculty Lecture

MGA REAKSYON AT SUHESTYON TUNGKOL SA 2001 REVISYON:
ISANG DISKUSYON TUNGO SA INTELEKTWALISASYON NG FILIPINO

Lakandupil C. Garcia, EdD
Pamantasang De La Salle-Dasmariñas

***Papel na binasa sa Pambansang Diseminasyon ng 2001 Revisyon ng Alfabeto at Patnubay sa Ispeling ng Wikang Filipino na ginanap sa Teachers Camp, Lungsod Baguio noong Disyembre 15, 2001 sa tangkilik ng Komisyon sa Wikang Filipino.

Simulan natin ang talakayang ito sa isang tunay na pangyayari sa buhay ng isa sa aking kambal. Para sa kaalaman ninyo nasa unang baytang na ang aking mga anak at minsan nagkaroon ng pagsusulit ang kanilang titser kaugnay sa wastong ispeling. Ang kontrobersyal na salita ay nagmula sa Ingles na RADIO. Ang anak kong si Mariz, dahil ginamit ang klaster na DY (radyo) ay tama sa kanyang sagot. Sa kabilang dako, si Mardi ko, bagamat di pa niya nabasa ang 2001 revisyon (na ang ispeling na ng Ingles na salitang budget ay bajet), ay isinulat ang salitang ito nang RAJO (bilang pagkilala kaya sa fonemik istatus ng letrang J?). Ang resulta, umuwing malungkot ang bata pagkat mali raw ayon sa titser! Hulaan ninyo ang naging reaksyon ko!

Nais kong bigyan ng kaukulang papuri at paghanga ang mga namuno at bumubuo ng mga komite upang mabuo ang revisyong ating pinag-uusapan.
more>>>